HOGGAAMIYAHA MAAMULKA SSC-KHAATUMO

 HOGGAAMIYAHA MAAMULKA SSC-KHAATUMO AYAA KA QAYBGALAY MUNAASIBADDA XILWAREEJINTA TALIYAHA GUUD EE CIIDANKA DARAAWIISHTA SSC-KHAATUMO.

Guumays 14 February 2024:-  Hoggaamiyaha Maamulka SSC-Khaatumo Mud. Cabdiqaadir Axmed Aw-Cali ayaa ka qaybgalay Munaasibad ay Xilka kula kala wareegayeen Taliyihii Hore ee Ciidanka Daraawiishta SSC-Khaatumo Sarreeyo Guuto Siciid Axmed Maxamed "Shoodhe" iyo Taliyaha Cusub ee Ciidanka Sarreeyo Guuto Saleebaan Barre Xasan "Geesood". Munaasibadda ayaa ka dhacday Taliska Ciidanka Daraawiishta SSC-Khaatumo ee Magaalada Guumays. 

Munaasibadda waxaa ka soo qaybgalay Xubno ka tirsan labada Gole ee Dawladda, Saraakiisha Ciidanka Daraawiishta iyo Masuuliyiin kale oo deegaanka qiimo weyn ku leh. 

Hoggaamiyaha oo xilka u kala wareejiyey labada Taliye ayaa ku bogaadiyey Gen. Siciid Shoodhe shaqadii nafhurnimada lahayd, hoggaamintii dagaalka iyo geesinimadii uu guusha ugu keenay shacabka deegannadan, isagoo dhanka kalana ugu duceeyay Taliyaha Cusub Gen. Geesood in xilka iyo masuuliyadda Eebbe u fududeeyo.