MARWADA KOOWAAD EE PUNTLAND AHNA MARWADA MADAXWEYNAHA DOWLADDA PUNTLAND OO CASHO SHARAF U SAMEYSAY HAWEENKA U YIMI DOORASHADII IYO CALEEMASAARKII MADAXDA PUNTLAND.
Garoowe: 28 January 2024: Marwada Koowaad ee Puntland Marwo Ijaabo Yuusuf Maxamuud, oo ah Marwada Madaxweynaha Dowladda Puntland, ayaa xalay kulan casho ah oo mahadcelin iyo dhiirigelin isugu jira la qaadatay Haweenka Soomaaliyeed ee u yimi Garoowe Doorashadii iyo Caleemasaarkii Madaxda Puntland, kuwaasi oo isaga kala yimi Dalka iyo dibadiisa.
Waxaa Munaasabadda Marwada kala qeybgalay Marwada Madaxweyne Ku-xigeenka Puntland, Marwo Muna Cabdirisaaq Xuseen, Marwada Guddoomiyaha Golaha Wakiillada Puntland Marwo Faadumo Cabdixakiim Warsame, Senator Samiira Maxamuud oo ka tirsan Aqalka Sare ee Soomaaliya, Wasiirka Haweenka Puntland Marwo Nimco Cabdiraxmaan Guuleed , Xildhibaan Muno Diyaano oo ka tirsan Golaha Wakiillada Puntland, La-taliyaha Madaxweynaha Puntland Marwo Luul Feerayare, Haweenka Puntland , Haweenka Gobolka Nugaal, Qurbojoogta, fanaaniinta u yimi Caleemasaarkii iyo marti sharaf kale.
Marwada Madaxweynaha Puntland, ayaa Haweenka ku dhiirigelisay inay sii horumariyaan kaalinta ay ku leeyihiin Dowladnimada iyo Bulshada , waxay la wadaagtay Inay ku garab istaagayso waxkasta oo kor u qaadaya metelaada haweenka iyo arrimaha gaarka ah ee khuseeya iyadoo kala shaqeyn doonta Wasaaradda arrimaha Haweenka .
-DHAMMAAD-
Comments
Post a Comment